Memleket basshysy Ankara qalasynyń mańyndaǵy TUSAŞ aeroǵarysh korporasııasynyń ǵımaratyna jasalǵan lańkestik shabýyl saldarynan birneshe adamnyń qaza tabýyna baılanysty Túrkııa Prezıdenti Rejep Taııp Erdoǵanǵa kóńil aıtty. Bul týraly Aqorda baspasóz qyzmeti habarlady, dep jazady Egemen.kz.
«Sýyt habardy tereń kúızelispen qabyldadym. Qazaqstan beıbit turǵyndarǵa qarsy qastandyq áreketti qatań aıyptaıdy. Osyndaı aýyr sátte Sizge jáne barsha túrik halqyna, sondaı-aq qaıtys bolǵan azamattardyń jaqyn týystaryna qaıǵyryp kóńil aıtamyn. Marqumdardyń jany jannatta bolsyn. Zardap shekkenderdiń tezirek saýyǵyp ketýine tilektestik bildiremin», dep jazylǵan jedelhatta.