Oral qalasynyń turǵyny jeke kásip ashyp, jıhaz shyǵarý úshin seh ǵımaratyn jalǵa alyp, qylmystyq áreketterin jasyrǵan, dep habarlaıdy Egemen.kz.
Áleýmettik jelilerde, sondaı-aq ártúrli ınternet-jarnama platformalarynda jıhaz jasaýdy usynatyn aqparatty ornalastyrǵan. Kásipkerlik qyzmettiń kórinisin jasaı otyryp, ol tutynýshylardyń úıine kelip, qajetti ólshemderdi jasap, keıinnen azamattardy tapsyrystyń oryndalyp jatyrǵanyna sendirgen.
«Tapsyrysty oryndaý úshin jalǵan jıhaz jasaýshy azamattarǵa jıhazdyń qosalqy zattarynyń fotosýretterin jibergen, sonymen qatar materıaldy satyp alý úshin úshinshi tulǵalarmen kelisimder bar dep sendirgen, osylaısha jábirlenýshilerdi aldaǵan. Nátıjesinde 7 jábirlenýshige 8 633 000 teńge kóleminde materıaldyq shyǵyn keltirilgen», dep habarlady Bas prokýratýranyń baspasóz qyzmeti.
Sotta sottalýshy jábirlenýshilermen azamattyq-quqyqtyq qarym-qatynastyń bar ekenin alǵa tartyp, kinásin moıyndamaǵan. Alaıda memlekettik aıyptaýshy sottalýshynyń kinásin tolyq dáleldegen.Nátıjesinde, kináli tulǵa eki nemese odan da kóp adamǵa qatysty iri kólemde jasalǵan alaıaqtyq úshin 3 jyl 6 aıǵa bas bostandyǵynan aıyryldy.