Prezıdent Qasym-Jomart Toqaev jylytý maýsymyna daıyndyq jumystaryna tıisinshe baqylaý jasamaǵany úshin Qaraǵandy oblysynyń ákimi Ermaǵanbet Bólekbaevqa sógis berdi, dep jazady Egemen.kz.
Bul týraly memleket basshysynyń baspasóz hatshysy Berik Ýálı áleýmettik jelidegi paraqshasynda málim etti.
Buǵan deıin Saran qalasyndaǵy úılerge ýaqytyly jylý berilmegenin aıtyp, turǵyndar shaǵymdanǵan edi.
Sol kezde qala ákimi Erkin Baýlyqov Instagram-daǵy paraqshasynda qazandyq endi ǵana iske qosylǵanyn, jylý kezeń-kezeńmen beriletinin aıtqan bolatyn.
Jańa qazandyqtyń jumysyn úılestire almaı, jylytý maýsymyna daıyndyqty tıisti deńgeıde baqylamaǵan Qaraǵandy oblysynyń ákimine búgin memleket basshysy sógis berdi.
Ermaǵanbet Bólekbaev 2022 jylǵy 8 jeltoqsannan bastap Qaraǵandy oblysynyń ákimi bolyp taǵaıyndalǵan bolatyn.