Oralda jantúrshigerlik jol apatynan 63 jastaǵy áıel qaza taýyp, taǵy birneshe adam jaraqat aldy, dep habarlaıdy Egemen.kz.
Qaıǵyly oqıǵa 1 qarashada túski ýaqytta bolǵan. Abaı men Nazarbaev dańǵyldarynyń qıylysynda eki kólik soqtyǵysty. Aldyn ala málimet boıynsha, Renault Duster solǵa burylý kezinde qarsy kele jatqan Lixiang kóligine jol bermegen. Jol apatynan bes adam zardap shekti - eki eresek adam Renault kóliginen jáne Lixiang kóligine mingen úsh bala.
- Eki eresek adam oblystyq kópsalaly aýrýhanaǵa jetkizildi. 1958 jyly týǵan er adam hırýrgııa bólimine (travmatologııa) jatqyzyldy. Jaǵdaıy aýyr, turaqty. Qajetti em qabyldaıdy. 1961 jyly týǵan áıelge 3-4 dárejeli travmatıkalyq shok jáne gemorragııalyq shok dıagnozy qoıyldy. Keýde jáne qursaq qýysyna ota jasaldy. Aýyr jaraqattardan áıel kóz jumdy. Patologııalyq saraptama taǵaıyndaldy, - dep jazdy Batys Qazaqstan densaýlyq saqtaý basqarmasynyń baspasóz qyzmetiniń ókilderi.
Vedomstvonyń málimetinshe, bes, eki jáne úsh jastaǵy úsh bala oblystyq kópbeıindi balalar aýrýhanasyna jetkizilip, dárigerlerdiń qaraýynan keıin olarǵa ambýlatorııalyq em taǵaıyndalǵan.