Pavlodarda sekýndyna 14-25 metr jyldamdyqpen jel soǵyp, aýa temperatýrasy - 1 gradýsty kórsetip tur. Osyǵan baılanysty qalada 1-11 synyp oqýshylary men kolledjdiń 1-2 kýrs stýdentteriniń sabaqtary onlaınǵa aýystyryldy, dep jazady Egemen.kz.
Bul týraly Pavlodar oblystyq bilim basqarmasy habarlady.
«Qazgıdromet» mekemesiniń bekitken parametrlerine sáıkes, aýdan jáne qalalar sabaqtardy onlaınǵa kóshirdi. Búgin Pavlodar qalasynyń mektepterinde birinshi aýysymdaǵy mektepaldy daıarlyq tobynyń, 1-11 synyp oqýshylarynyń, kolledjderde 1-2 kýrs (9-synyptan keıin túsken) stýdentteriniń sabaqtary qashyqtan oqytý formatyna aýystyrylady», delingen basqarma habarlamasynda.
Mekeme óńir oqýshylary onlaın formatta oqý úshin barlyq jaǵdaı jasaqtalǵanyn eske saldy.