Aqtóbe oblysynda órtengen tikushaqtan zardap shekkender Aqtóbedegi stasıonarǵa jetkizildi. Bul týraly Aqtóbe oblysynyń Densaýlyq saqtaý basqarmasynyń ókilderi málimdedi, dep habarlaıdy Egemen.kz.
Vedomstvo málimetinshe, zardap shekkenderdiń jaǵdaıy turaqty aýyr. Naýqastar esin biledi, suraqtarǵa jaýap bere alady.
«Aýylda tikushaq qulaǵany týraly habarlama 103-ke saǵat 11:36-da tústi. Oqıǵa ornynda eki naýqasqa Mártók aýdandyq aýrýhanasynyń jedel járdem brıgadasy kómek kórsetti. Bir jábirlenýshi 103 kelgenge deıin qaza tapty», dep jazylǵan habarlamada.
Aqtóbede naýqastardy áýe aılaǵynda eki jansaqtaý brıgadasy qarsy aldy. Eki adam kúıik alǵan. Qazir zardap shekkenderge dıagnostıka júrgizilip jatyr.