2024 jyldyń 10 aıynda elorda aýmaǵynda 4 myńnan astam ınternet-alaıaqtyq deregi tirkelgen. Internet-alaıaqtyqpen kúresý úshin polısııa qyzmetkerleri osyndaı qylmystardyń aldyn alý, jolyn kesý jáne eskertý boıynsha turaqty is-sharalar ótkizip otyrady, dep habarlaıdy Egemen.kz.
Bul týraly О́ńirlik kommýnıkasııalar qyzmeti alańynda ótken brıfıngte Astana qalalyq Polısııa departamenti Krımınaldyq polısııa basqarmasynyń bastyǵy Dastan Qalıev aıtty.
Qazirgi tańda sıfrlandyrý qoǵam ómirinde aıtarlyqtaı oryn alady, alaıda onyń taralýymen qatar ınternet-alaıaqtyq jaǵdaılary da kóbeıip otyr.
Spıkerdiń málimetinshe, elordada halyqtyń qarjylyq jáne quqyqtyq saýattylyǵyn arttyrý úshin dárister belsendi túrde ótkizilip keledi. Bul is-sharalarda alaıaqtar qoldanatyn ádis-tásilder men negizgi saqtyq sharalary jan-jaqty túsindiriledi. Qosymsha nasıhattaý jáne túsindirý jumystary júrgizilip, halyq kóp shoǵyrlanǵan jerlerde jadynamalar men broshıýralar taratylady.