Qarashanyń 24–30 aralyǵynda Almatyda ótetin Ortalyq Azııadaǵy eń iri XVII Halyqaralyq «Eýrazııa» kınofestıvalinde álemniń túkpir-túkpirinen rejısserler, akterler, ssenarıster men kınoóner jankúıerleri bas qosady, dep habarlaıdy Egemen.kz.
«Eýrazııa» óziniń irgetasy qalanǵan kúnnen bastap qarapaıym kınofestıvalden áldeqaıda aýqymdy is-sharaǵa aınaldy. Bul – Shyǵys pen Batystyń toǵysqan orny. Onda uly mádenı mura zamanaýı úrdistermen úılesim tabady, ol jarys qana emes, dıalog, shabyt, kıno álemindegi jańa esimderdi ashý alańy.
Bıylǵy festıvaldiń aýqymy erekshe bolmaq:
Oǵan 15-ten astam el qatysady; Úsh qurlyqtyń fılmderi kórsetiledi; Eki konkýrstyq baǵdarlamada árqaısysy erekshe ári biregeı 22 fılm usynylady.Bıylǵy festıvalge qatysatyn elderdiń kınematografııalyq dástúrleri de san alýan. Qatysýshylar qatarynda Qazaqstan, Qyrǵyzstan, О́zbekstan, Tájikstan, Túrikmenstan, Túrkııa, Iran, Belarýs, Ázerbaıjan, Reseı bar.
Fılmderde mıgrasııa men jeke tulǵalyq izdenis taqyryptary qozǵalady. Sonymen qatar keıingi jyldary óz ereksheligimen tańǵaldyryp júrgen Iаkýtııa da bar.
Mundaı ártúrlilik kórermenderge mádenı dástúrler palıtrasyn jáne baıandaý tásilderiniń biregeıligin kórýge múmkindik beredi. Halyqaralyq konkýrs jahandyq máselelerdi qamtıdy: ekologııa, teńdik, jeke jáne qoǵamdyq daǵdarystar.
Ortalyq Azııa jáne túrki álemi elderiniń konkýrsy – rejısserlerdiń ulttyq biregeılikti, qazirgi álemniń syn-qaterlerin qalaı ashyp kórsetetinin tanýdyń biregeı múmkindigi.
Sonymen qatar festıvalde kelesi baǵdarlamalar bolady:
«Álemdik panorama» – Kann, Venesııa, Berlın sekildi iri festıvalderden úzdik fılmder; «Jańa otandyq kıno» – Qazaqstan kınematografııasyndaǵy jańa kókjıekterdi ashqan jas talanttardyń platformasy; Retrospektıvalar men arnaıy kórsetilimder – úlken ekrandarda sırek kórsetiletin fılmder.Festıvaldiń basty bóligi – rejısserlermen, akterlermen jáne prodıýserlermen kezdesýler. Bul – jas kınematografıster úshin sheberlerge suraq qoıyp, tájirıbe almasyp, kınoındýstrııa qupııalarymen tanysýǵa tamasha múmkindik.
Sonymen qatar prodıýserlik, ssenarıı jazý jáne operatorlyq boıynsha sheberlik sabaqtary ótedi. Olar qatysýshylar men kórermenderge kınoǵa basqa qyrynan qaraýǵa kómektesedi.
«Eýrazııa» festıvaline alǵash kelgen kez kelgen adam mundaǵy erekshe atmosferany birden baıqaıdy. Bul – kórermender men fılm avtorlary arasyndaǵy shekara joıylatyn jer.
Eske salaıyq, dástúrli festıvaldiń negizin qalaýshy jáne uıymdastyrýshy – QR Mádenıet jáne aqparat mınıstrligi. Al tikeleı uıymdastyrý Sháken Aımanov atyndaǵy «Qazaqfılm» ulttyq kınostýdııasyna júktelgen.
Aıta keteıik, is-sharaǵa Bazis-A halyqaralyq qurylys kompanııasy, KAZ Minerals ken óndirý kompanııasy, Sarens Kazakhstan, Salem Entertainment, Kinopark Theatres kınoteatrlar jelisi jáne Astana Motors demeýshilik etti.