Mańǵystaý oblysynda sheneýnik jetim balalarǵa qatysty mindetterin adal oryndamaǵany úshin sot aldynda jaýap berdi, dep habarlaıdy Egemen.kz.
Is materıaldaryna sáıkes, oblystyń aýdandyq bilim bólimderiniń biriniń basshysy zań talaptaryn oryndamaǵan jáne ýaqytynda jetim balalar men ata-ana qamqorlyǵynsyz qalǵan balalar týraly málimetterdi respýblıkalyq derekter bazasyna engizbegen.
Sot otyrysynda memlekettik qyzmetker kinásin tolyq moıyndap, istegen isine ókindi jáne sottan eń jeńil jaza taǵaıyndaýdy surady.
Aýdandyq bilim bóliminiń basshysy ÁQBtK-niń 135-baby 1-bóligi 1-tarmaǵy boıynsha, ıaǵnı «Jetim balalar men ata-ana qamqorlyǵynsyz qalǵan balalar týraly málimetterdi Respýblıkalyq derekter bankine usyný tártibin jáne merzimin buzý» baby boıynsha kináli dep tanyldy. Oǵan 30 AEK (110 760 teńge) mólsherinde aıyppul túrindegi jaza taǵaıyndaldy.