Belarýs prezıdenti Aleksandr Lýkashenko Qazaqstanǵa jumys saparymen keldi, dep habarlaıdy Egemen.kz BELTA agenttigine silteme jasap.
28 qarashada Astanada Belarýs memleketiniń basshysy UQShU Ujymdyq qaýipsizdik keńesiniń otyrysyna qatysady.
El basshylary halyqaralyq jáne óńirlik jaǵdaı, onyń UQShU-ǵa múshe memleketterdiń qaýipsizdigine áseri týraly pikir almasady, sondaı-aq yntymaqtastyq nátıjeleri men ujymdyq qaýipsizdik júıesin odan ári damytý perspektıvalaryn talqylaıdy.
Sonymen qatar 28 qarashada Astanada Syrtqy ister mınıstrleri keńesiniń, Qorǵanys mınıstrleri keńesiniń jáne UQShU Qaýipsizdik keńesteri hatshylary komıtetiniń birlesken otyrysy ótedi.