Vladımır Pýtın Qasym-Jomart Toqaevqa arnaıy shaqyrǵany jáne qazaq jerinde kórsetken syı-qurmeti úshin alǵys aıtyp, saparynyń qorytyndysyna oń baǵa berdi, dep habarlaıdy Egemen.kz Aqorda baspasóz qyzmetine silteme jasap.
– Biz saıası, ekonomıkalyq, gýmanıtarlyq salalardaǵy ekijaqty yqpaldastyqty egjeı-tegjeıli talqyladyq. Halyqaralyq jáne óńirlik ózekti máseleler boıynsha pikir almastyq. Jańa ǵana qabyldanǵan Birlesken málimdemede eki eldiń strategııalyq seriktestigin tereńdetýge qatysty asqaq mindetter qoıdyq. Olardyń júzege asýyna úkimetaralyq jáne vedomstvoaralyq deńgeıde qol qoıylǵan, energetıka, kólik, densaýlyq saqtaý, ádilet sııaqty túrli baǵyttardy qamtıtyn qujattar da septigin tıgizedi, – dedi Reseı Prezıdenti.
Vladımır Pýtınniń aıtýynsha, sapar barysynda júrgizilgen kelissózder Reseı men Qazaqstannyń kópjaqty yntymaqtastyǵyn odan ári damytýǵa naqty yqpal etedi.