Memleket basshysynyń tapsyrmasy boıynsha elimizde «Jaıly mektep» ulttyq jobasy qarqyndy júzege asyrylyp jatyr. Kezekti 36-shy mektep Almaty oblysynyń Kókózek aýylynda ornalasqan, dep habarlaıdy Egemen.kz.
Aıta keteıik, 1500 oqýshyǵa arnalǵan mektep zamanaýı standarttar boıynsha jabdyqtalǵan jáne qalalyq mektepterden kem túspeıdi. Atalǵan mektep 68 oqý kabınetimen, STEM-zerthanalarmen, robototehnıka kabınetterimen, horeografııalyq zalmen, sport zaldarymen, demalys jáne netvorkıng ortalyqtaramen jabdyqtalǵan.
«Onda erekshe bilim berý qajettilikteri bar balalar úshin barlyq jaǵdaı qarastyrylǵan, ár oqýshy úshin jeke shkaftary bar. Sonymen qatar barlyq oqý kabınetteri jańa tehnologııalarmen – ınteraktıvti taqtalarmen jáne kompıýterlermen jabdyqtalǵan, bul oqytýdyń ınnovasııalyq ádisterin engizýge jáne bilim berý prosesiniń sapasyn arttyrýǵa yqpal etedi», dep habarlady Oqý-aǵartý mınıstrliginiń baspasóz qyzmeti.
«Jaıly mektep» ulttyq jobasy aıasynda Almaty oblysynyń aýyldyq jerlerinde bes mektep turǵyzylǵan. Jalpy, jyl basynan beri elimizde 36 jaıly mektep paıdalanýǵa berildi, onyń 15-i aýyldyq eldi mekenderde ornalasqan.