Resmı statıstıkalyq málimetterge sáıkes, bıylǵy qańtar-qyrkúıek aralyǵynda 5 mln 973 myń azamat el ishinde saıahattaǵan, dep habarlaıdy Egemen.kz Týrızm jáne sport mınıstrliginiń baspasóz qyzmetine silteme jasap.
Ishki týrıster sany ótken jyldyń sáıkes kezeńimen salystyrǵanda 562 myń adamǵa artqan. 2023 jyly osy kórsetkish 5,4 mıllıon adamdy quraǵan.Vedomstvo málimetinshe, Almaty, Astana qalalary men Aqmola oblysy ishki týrızm baǵyttary arasynda kósh bastap tur. Bul aımaqtar týrısterdi erekshe tabıǵatymen, damyǵan ınfraqurylymymen jáne alýan túrli týrıstik múmkindikterimen tartyp keledi.
«Ishki týrıster sanynyń artýy azamattardyń el boıynsha jıi saıahattaıtynyn kórsetedi. Iаǵnı, óz elin tanyp-bilýge degen qyzyǵýshylyǵynyń artqanyn baıqaýǵa bolady. Ishki týrızmdi ár azamat úshin qoljetimdi, tartymdy jáne jaıly etýge jumystar jasalýda. Osy maqsatta ınfraqurylymdy damytyp, jańa bastamalardy qoldap kelemiz», dedi Týrızm ındýstrııasy komıtetiniń tóraǵasy Nurtas Káripbaev.