Qazaqstanda zapastaǵy ofıserler men serjanttardy áskerı daıarlaý erejelerine ózgerister engizilmek. Bul týraly QR Qorǵanys mınıstrliginiń Áskerı bilim jáne ǵylym departamenti málimdedi, dep habarlaıdy Egemen.kz.
Mınıstrlik basshysy ázirlegen jańa buıryq jobasyna sáıkes, áskerı oqý oryndaryna túsý, aýysý jáne qalpyna keltirý prosesteri tolyǵymen sıfrlyq formatqa kóshiriledi.
«О́zgerister nátıjesinde, azamattar e-Gov portaly arqyly ótinim bere otyryp, memlekettik qyzmetti jyldamyraq ala alady. Bul paıdalanýshylardyń ýaqytyn únemdep, qaǵazbastylyqty joıady», delingen habarlamada.
Jańa normatıvtik quqyqtyq akt «Bilim týraly» QR Zańynyń 5-1-babynyń 9) tarmaqshasyna, «Memlekettik qyzmetter týraly» QR Zańynyń 5-babynyń 2-tarmaǵynyń 11) tarmaqshasyna jáne 2018 jylǵy 31 qazandaǵy «Joǵary jáne joǵary oqý ornynan keıingi bilim berý uıymdaryna qabyldaý erejelerin bekitý týraly» QR Bilim jáne ǵylym mınıstriniń buıryǵyna sáıkes ázirlengen.