Rýdnyı qalasynda avtobýs júrgizýshisi 60 jastaǵy áıeldi qaǵyp ketken. Zardap shekken áıel oqıǵa ornynda kóz jumdy, dep habarlaıdy Egemen.kz.
Quqyq qorǵaý organdarynyń málimetinshe, qaıǵyly oqıǵa Rýdnyı qalasyndaǵy avtovokzal mańynda bolǵan. Avtobýs júrgizýshisi solǵa burylý kezinde jaıaý júrginshini qaǵyp ketken.
«Oqıǵa saldarynan jaıaý júrginshi alǵan jaraqattarynan qaıtys boldy. Qaza tapqan áıeldiń jasy 60-ta bolǵan», dep jazylǵan habarlamada.
Atalǵan derek boıynsha polısııa jol-kólik oqıǵasy faktisin tirkep, qylmystyq is qozǵady. Quqyq qorǵaý organdary oqıǵanyń barlyq mán-jaıyn anyqtaýǵa kiristi.
Polısııa turǵyndardy jol erejelerin qatań saqtaýǵa jáne jol qaýipsizdigine muqııat bolýǵa shaqyrady.