Jetisý oblysynda birneshe márte alaıaqtyq jasaǵan áıel 7 jylǵa bas bostandyǵynan aıyryldy, dep habarlaıdy Egemen.kz.
Bas prokýratýranyń habarlaýynsha, 2 jyl boıy áıel ózin bank qyzmetkeri retinde tanystyrǵan. Ol halyqtyń senimine ıe bolyp, olarǵa aýyl sharýashylyǵyn damytýdyń memlekettik baǵdarlamasy boıynsha nesıe alýǵa jáne tegin sýbsıdııalar alýǵa kómegin usynǵan. Nátıjesinde, 13 adam alaıaqtyń qurbany bolǵan. Onyń keltirgen shyǵyny 12 mıllıon teńgeden asqan.
«Jetisý oblysy prokýratýrasy azamattardy qyraǵy bolýǵa, granttar, sýbsıdııalar nemese nesıeler alǵan kezde oryn alǵan mundaı jaǵdaılar týraly habarlaýǵa shaqyrdy», delingen habarlamada.