Elimizde qysqy kanıkýl kezeńi 2024 jyldyń 30-jeltoqsany men 2025 jyldyń 8-qańtaryn qosa alǵanda on kúnge sozylady. Bul týraly Oqý-aǵartý mınıstrliginiń baspasóz qyzmeti habarlaıdy, dep jazady Egemen.kz.
Mektep oqýshylarynyń qysqy demalystaǵy bos ýaqytyn tıimdi ótkizý jáne jeke tulǵalyq qasıetterin damytý maqsatynda «Birtutas tárbıe» baǵdarlamasy aıasynda is-sharalar jospary jasalǵan. Ol boıynsha mektepterde birqatar bilim berý, sporttyq, mádenı jáne shyǵarmashylyq is-sharalar ótkizý josparlanǵan:• «Oqýǵa qushtar mektep» jobasyn iske asyrý aıasynda «Qysta kitap oqımyz, jadymyzǵa toqımyz» mektepishilik is-sharasy;• teatr festıvalderi men qoıylymdary;• jańa jyldyq áshekeıler jasaý boıynsha sheberlik sabaqtary;• qaýipsizdik sabaqtary;• murajaılarǵa, ǵylymı ortalyqtarǵa jáne tarıhı eskertkishterge tanymdyq ekskýrsııalar;• sporttyq oıyndar, konkı, shańǵy tebý;• qaıyrymdylyq aksııalary jáne basqa da sharalar.
«Eń bastysy - balalardyń qaýipsizdigin qamtamasyz etý. Osy maqsatta ata-analarmen birge jol-kólik jaraqattarynyń aldyn alýǵa, mekteptiń ishki tártibin saqtaýǵa, balalardyń kóshedegi qaýipsizdigine, úıdegi órt qaýipsizdigi jáne kıberqaýipsizdikke erekshe nazar aýdarylady», dep habarlady Oqý-aǵartý mınıstrliginiń baspasóz qyzmeti.
Aıta keteıik, bul is-sharalar bilim berý uıymdaryna ádistemelik usynym retinde joldanady.