Almaty oblysy qarqyndy damyp, ekonomıka ósimine jáne jańa jumys oryndaryn qurýǵa yqpal etetin iri jobalardy júzege asyrý arqyly ınvestısııalardy tartýdy jalǵastyryp jatyr. Byltyrǵy jyldyń qorytyndysy boıynsha oblys negizgi kapıtalǵa salynǵan ınvestısııalar men tikeleı sheteldik ınvestısııalar kólemi boıynsha oń nátıjeler kórsetti.
2023 jyly Almaty oblysyna 705,3 mlrd teńge ınvestısııa tartyldy, bul 2022 jylmen salystyrǵanda 10,7%-ǵa artyq (609,1 mlrd teńge). Bul qarajat ónerkásip, kólik, baılanys jáne bilim berý sııaqty túrli salalardyń damýyna baǵyttaldy. Investısııalardyń negizgi bóligi ónerkásipke (203,5 mlrd teńge), kólik pen qoımalaýǵa (179,3 mlrd teńge) jáne bilim berý salasyna (63,1 mlrd teńge) bólindi. Jalpy alǵanda, negizgi kapıtalǵa salynǵan ınvestısııalar jeke qarajattan (404,5 mlrd teńge) jáne respýblıkalyq pen jergilikti bıýdjetterden (122,9 mlrd teńge) qarjylandyryldy.
2024 jylǵa arnalǵan ınvestısııalyq jospar 1 trln 20 mlrd teńgeni quraıdy, onyń ishinde 677,9 mlrd teńge (66,46%) qazirdiń ózinde ıgerildi. Aılyq jospardyń oryndalý kórsetkishi 123,8%-dy quraǵandyqtan, oblys ınvestısııa tartý qarqynyn saqtap otyr.
Tikeleı sheteldik ınvestısııalardy tartý – oblys damýynyń basty baǵyttarynyń biri. 2023 jyly Almaty oblysyna sheteldik ınvestısııalardyń jalpy kólemi 880,2 mln AQSh dollaryn qurady, bul 2022 jylmen salystyrǵanda 28%-ǵa artyq. 2024 jyly 527 mln AQSh dollaryn tartý josparlanǵan. Bul aımaqqa sheteldik ınvestorlardyń qyzyǵýshylyǵynyń artyp kele jatqanyn kórsetedi.
Oblysta júzege asyrylyp jatqan iri halyqaralyq jobalardyń kóshbasynda PepsiCo (AQSh) – Lays chıpsterin óndirý jobasy ($200 mln) tur. Tehnıkalyq sharttar ázirlenip, memlekettik saraptamadan ótti, ınfraqurylym nysandarynyń qurylysy jalǵasyp jatyr.
Sondaı-aq Focus Logistics (OZON, Reseımen birlesken joba) – A klasyndaǵy qoımalar salý ($151 mln). Nysannyń qurylys jumystary, sonyń ishinde ınjenerlik júıelerdi ornatý aıaqtaldy.
KT&G (Ońtústik Koreıa) – temeki ónimderin óndirý zaýyty ($204 mln) da qarqyndy júrgizilip jatyr. О́ndiristik nysandardyń qurylysy men aýmaqty abattandyrý jumystary aıaqtalýǵa jaqyn.
Aımaqtyń damýy úshin mańyzdy baǵyttardyń biri – jańa jumys oryndaryn qurý. Bıylǵy jyly Almaty oblysynda 1020 jańa jumys ornyn ashý josparlanǵan, qazirgi ýaqytta onyń 66%-y, ıaǵnı 677,9 myń jumys orny quryldy. Logıstıkalyq keshender, zaýyttar men ınfraqurylymdyq nysandardyń qurylysy sııaqty iri jobalar arqyly 5000-nan astam jańa jumys orny ashylady dep kútilip otyr.
Qazirgi ýaqytta oblysqa 677,9 mlrd teńge ınvestısııa tartylyp, bul ótken jylmen salystyrǵanda 123,8%-ǵa joǵary. Bul aımaqtyń ınvestısııa tartý qarqynyn turaqty saqtap otyrǵanyn kórsetedi.
Sonymen qatar, Almaty oblysy ekologııalyq taza jobalardy belsendi túrde damytyp keledi. Onyń ishinde ekotýrızmge arnalǵan taýly aımaq klasteri erekshe oryn alady. Bul bastamalar aıasynda týrıster men ınvestorlardy tartýǵa qolaıly jaǵdaı jasalyp otyr. Shıpajaılardy biriktirý boıynsha arnaıy master-jospar ázirlenip, aımaqty halyqaralyq deńgeıdegi taý-shańǵy jáne ekotýrızm ortalyǵyna aınaldyrý kózdelip jatyr.
Almaty oblysy ártúrli salalarǵa ınvestısııalar tartyp, ınfraqurylymdy damytyp, jańa jumys oryndaryn ashý arqyly turaqty ekonomıkalyq ósýge senimdi túrde qadam basyp keledi. Aldaǵy ýaqytta sheteldik ınvestısııalardy tartý, strategııalyq mańyzdy jobalardy júzege asyrý jáne halyqtyń ómir súrý deńgeıin jaqsartý jumystary jalǵasatyn bolady.
Almaty oblysy