Arnaıy qyzmet Qyrǵyzstannyń Tótenshe jaǵdaılar mınıstrliginiń burynǵy basshysyn ustady, dep habarlaıdy Egemen.kz respýblıkanyń UQK baspasóz qyzmetine silteme jasap.
«Ulttyq qaýipsizdik memlekettik komıtetiniń qyzmetkerleri sybaılas jemqorlyqqa qatysy bar degen kúdikpen júrgizilip jatqan qylmystyq is aıasynda Tótenshe jaǵdaılar mınıstrliginiń eks-mınıstrin, Jogorký Keneshtiń eks-depýtatyn, Djalal provınsııasynyń eks-gýbernatoryn, Djalal-Abad oblysynyń eks-gýbernatory Ý.S.I ustady», delingen habarlamada.
Ustalǵan azamat 1995 jyldyń jeltoqsanynan 1996 jyldyń sáýirine deıin «Qyrǵyztransavto» memlekettik aksıonerlik qoǵamynyń basqarma tóraǵasy qyzmetin atqara júrip, jekelegen laýazymdy tulǵalardyń kómegimen memlekettik qarajat esebinen «Tokchýlýk« aksıonerlik qoǵamynyń aksııalaryn satyp alyp, keıinnen burynǵy Balyqshy et kombınatynyń jyljymaıtyn múlik obektilerin zańsyz jeke menshikke shyǵarǵany anyqtalǵan.
Búgingi kúni joǵaryda atalǵan jyljymaıtyn múliktiń quny 626 mıllıon somdy (7,2 mıllıon dollar) quraıdy. Qazirgi ýaqytta joǵaryda atalǵan sybaılas jemqorlyq shemasyna basqa tulǵalardyń qatystylyǵy anyqtalyp, zańsyz jekeshelendirilgen múlikti qaıtarý sharalary júrgizilip jatyr.