1 jeltoqsannan bastap Qazaqstandaǵy barlyq júrgizýshiler qysqy dóńgelektermen júrýge mindetti. Jol qozǵalysy erejelerine sáıkes, qysta jazǵy dóńgelekterdi paıdalanýǵa tyıym salynady jáne ereje buzǵany úshin 2024 jyly 18 460 teńgeni quraıtyn 5 AEK kóleminde aıyppul salynady, dep habarlaıdy Egemen.kz.
Almatyda jeltoqsan aıynyń basynan beri ınspektorlar jazǵy dóńgelekti qysqyǵa aýystyrmaǵan 53 tártip buzýshyny anyqtaǵan. Júrgizýshilerge salynǵan aıyppuldyń jalpy somasy 978 380 teńgeni qurady.
Elordalyq ınspektorlar túsindirý jumystaryn júrgizip, kóp jaǵdaıda eskertýmen shektelgen. Degenmen, polıseıler bul habarlandyrýdy arttyrýǵa baǵyttalǵan ýaqytsha shara ekenin atap ótti. Aldaǵy ýaqytta ereje buzǵan jaǵdaıda júrgizýshilerge tolyq kólemde aıyppul salynady.
Sonymen qatar Shyǵys Qazaqstan oblysynda osy ýaqyt aralyǵynda 42 júrgizýshige aıyppul salynyp, aıyppul somasy 775 320 teńgege jetken.