2024 jyldyń basynan beri Almaty qalasynda jol apatynan 6504 adam zardap shegip, 94 turǵyn kóz jumǵan, dep habarlaıdy Egemen.kz.
«Jol-kólik oqıǵalarynyń negizgi sebepteri – júrgizýshiler men jaıaý júrginshilerdiń jol qozǵalysy erejelerin qasaqana buzýy. Bıyl qalada adam ólimine ákep soqtyrǵan jol apattary men kólikti mas kúıinde basqarǵan 120 júrgizýshi ustaldy», dedi Almaty qalasy PD Anyqtaý basqarmasynyń basshysy Aıan Abdraımov.
Onyń aıtýynsha, Almaty qalasynda jyl basynan beri 5 930 kólik apaty tirkelip, sonyń saldarynan 6504 adam túrli dene jaraqatyn alsa, 94 adam kóz jumdy.
Osyǵan deıin Almaty-Bishkek tas jolyndaǵy jol apatynan 3 adam jan tapsyrǵany týraly jazǵan edik.
Sondaı-aq Almaty oblysynda jol erejesin buzǵan 167 myńnan astam adam anyqtalǵan edi.