Almaty oblysy ákiminiń ókimimen Jandos Qanatuly Aqyl 2024 jylǵy 20 jeltoqsanynan bastap Almaty oblysy sıfrlyq tehnologııalar basqarmasynyń basshysy laýazymyna taǵaıyndaldy, dep habarlaıdy Egemen.kz oblys ákimdiginiń baspasóz qyzmetine silteme jasap.
Jandos Qanatuly 1996 jyly dúnıe kelgen. 2018 jyly Halyqaralyq aqparattyq tehnologııalar ýnıversıtetin «aqparattyq júıeler» mamandyǵy, 2021 jyly Ilııas Jansúgirov atyndaǵy Jetisý ýnıversıtetin «qarjy» mamandyǵy boıynsha bitirgen.
Eńbek jolyn Almaty oblysy ákimi apparatynyń «Aqparattyq tehnologııalar ortalyǵy» kommýnaldyq memlekettik mekemesiniń ınjeneri bolyp bastaǵan.
Ár jyldary «Almaty oblysy sıfrlyq tehnologııalar basqarmasy» memlekettik mekemesiniń bas mamany, bólim basshysy, basqarma basshysynyń orynbasary, Almaty oblysy ákimi apparatynyń jobalyq keńse jáne memlekettik qyzmetter monıtorıngi bóliminiń basshysy bolyp jumys istegen.
2024 jyldyń qazan aıynan qazirgi ýaqytqa deıin Almaty oblysy ákimi apparatynyń uıymdastyrý-ınspektorlyq jumys bóliminiń bas ınspektory laýazymynda qyzmet etken.