Joba Memleket basshysynyń tapsyrmasyna sáıkes júzege asyrylyp, jergilikti kreatıvti ekonomıka ókilderin qoldaýǵa baǵyttalǵan. Jezqazǵanda ULYTAU CREATIVE HUB kreatıvti habynyń saltanatty ashylýy ótti, dep habarlaıdy Egemen.kz Mádenıet jáne aqparat mınıstrliginiń baspasóz qyzmetine silteme jasap.
Munda olarǵa barlyq qajetti sıfrlyq jáne shyǵarmashylyq jaǵdaı jasalǵan. Aýmaǵy 400 sharshy metr bolatyn ǵımarat – 3D modeldeý, zergerlik óner, ulttyq kıim, keskindeme zaly, dombyra-qobyz jasaý sheberhanalary sekildi 13 taqyryptyq zerthanalardan turady.
Qazirgi ýaqytta habta 30 sheber jumys isteıdi, alańnyń múmkindikterin kez kelgen adam paıdalana alady.
Ulytaý oblysynyń kreatıvti ortalyǵy biryńǵaı ınfraqurylymy, qoldaý jáne kómek quraldary bar respýblıkalyq ekojúıeniń bir bóligine aınalady.