Búgin Úkimettiń kóshpeli otyrysynda Premer-mınıstr Jasandy ıntellektini damytýdyń 2029 jylǵa deıingi tujyrymdamasyn kúsheıtýdi tapsyrdy, dep jazady Egemen.kz.
Jasandy ıntellekt týraly jańa zań aıasynda sıfrlyq transformasııalaý jáne tıisti sheshimderdi engizý jumystary mańyzdy mindet bolyp otyr.
Úkimet otyrysynda halyqtyń jasandy ıntellekt salasyndaǵy jańalyqtardan habarynyń tómendigin eskere otyryp, Sıfrlyq damý, ınnovasııalar jáne aeroǵarysh ónerkásibi mınıstrligine qoldanystaǵy sıfrlyq sheshimderdi odan ári jetildirý jáne olardy paıdalaný týraly jurtshylyqty aqparattandyrý talaby qoıyldy.
Sonymen qatar Premer-mınıstr Oljas Bektenov Sıfrlyq damý mınıstrligine óńir ákimderimen birge kelesi jyly memlekettik organdardyń qyzmetkerlerin jasandy ıntellekt quraldaryna oqytý jóninde sharalar qabyldaýdy tapsyrdy.
Al Ǵylym jáne joǵary bilim mınıstrligi jasandy ıntellekt boıynsha bilim berý baǵdarlamalary men kýrstaryn ázirleýi kerek.