Astana-Shýchınsk avtojolynda tejegishterdiń isten shyǵýy saldarynan tólem termınalynda jol-kólik oqıǵasy boldy, dep habarlaıdy Egemen.kz.
Aldyn ala málimetter boıynsha, júrgizýshilerdiń biri tólem termınalynyń aldynda toqtaǵan, al ekinshi júk kóligi tejeý júıesiniń isten shyǵýyna baılanysty baıaýlaı almaǵan. Eki júk kóliginiń soqtyǵysýy nátıjesinde eshkim zardap shekpedi.
«Bul jaǵdaı avtomobılderdi ýaqtyly tehnıkalyq tekserýden ótkizýdiń mańyzdylyǵyn taǵy bir ret eske salady. Ásirese qys mezgilinde temir tulpardyń tejegish júıesiniń, shınalardyń jáne basqa da negizgi toraptarynyń kúıin únemi tekserý qajet», dep habarlady «QazAvtoJol» ulttyq kompanııasynyń baspasóz qyzmeti.
«QazAvtoJol» ulttyq kompanııasy júrgizýshilerge shlagbaýmdar men tólem termınaldarynyń aldynda saq bolýdy jáne jyldamdyqty tómendetý qajettiligin eskertedi.