Erevanǵa muzdatylǵan shoshqa etiniń alǵashqy 20 tonnasy eksporttaldy, dep habarlaıdy Egemen.kz QR Aýyl sharýashylyǵy mınıstrligine silteme jasap.
Eksporttaýshy soltústikqazaqstandyq EMC Agro kompanııasy boldy. Kásiporyn úshin bul sheteldik kásipkerlermen yntymaqtastyqtyń alǵashqy tájirıbesi, óıtkeni búgingi kúnge deıin JShS ónimi tek Qazaqstanda ǵana satylyp kelgen.
«Grýzııaǵa shoshqa etin eksporttaý jóninde de kelissózder júrgizdik. Sondaı kúnderdiń birinde alǵashqy 20 tonna et te osy elge jóneltiledi. Muny Qazaqstan úshin úlken oqıǵa dep ataýǵa bolady, óıtkeni bul naryq biz úshin endi ǵana ashylyp jatyr. Armenııa men Grýzııa bizden aı saıyn 400 tonnaǵa deıin et satyp alýǵa daıyn ekendikterin bildirdi. Aıtpaqshy, bizdiń kompanııa aı saıyn 700-800 tonna shoshqa etin el ishinde ótkizedi. Iаǵnı, osy eki salamen uzaq merzimdi perspektıvada yntymaqtasatyn bolsaq, ónimniń 50 paıyzy shetelge ketedi», dep atap ótti kompanııa.
Jalpy, álemdegi shoshqa etin eń kóp tutynýshy Qytaımen yntymaqtastyq qarastyrylady. Bıylǵy jazda Qytaı et qaýymdastyǵynyń ókilderi kompanııanyń óndiristik keshenin aralady. О́ndiristi teksergen qaýymdastyq jylyna 20 myń tonna shoshqa etin ımporttaýǵa qyzyǵýshylyq tanytty.