Depýtat Tańsáýle Serikov múgedek sábıli analarǵa qatysty másele kóterip, Premer-mınıstrge saýal joldady, dep habarlaıdy Egemen.kz.
«О́mir men ólimniń arasynan jeńilmeı shyqqan jas ana úshin dúnıege kelgen sábıine «múgedek» degen dıagnozdyń qoıylǵany qandaı soqqy ekenin sol analardyń ózderi ǵana biledi. Osyndaı zil batqan aýyrtpashylyqty qabyldap, keleshek ómirin tek qana sol balasynyń jolyna arnaýǵa táýekel etetin árıne – ana. Sondyqtan da olardy naǵyz erjúrek tulǵalar dep aıtýǵa ábden bolady. Janǵa batatyny, osyndaı erlik kórsetken jandarǵa bizdiń tıisti janashyrlyq tanyta almaı júrgenimiz», dedi depýtat saýalynda.
Depýtattyń sózinshe árbir ana bala densaýlyǵy úshin jumysyn da, basqa sharýasyn da tastap taý asyp, shoq basýǵa daıyn. Erekshe qajettiligi bar balanyń kúndelikti terapııasy, em-sharasy, gımnastıkalyq jattyǵýlary, medısınalyq ońaltýlary, basseın nemese taǵy da basqa qajetti em-domdary bar. Qalada turatyndar úshin bunyń ózi aýyr. Al aýyldyq jerde turatyn ata analar úshin bul úlken qıyndyq.
«Bala kezinen múgedektigi bar, tipti ózdiginen tamaq ta ishpeıtin, sóıleı de almaıtyndary qanshama. Týabitti sal aýrýyna shaldyqqan balany aıaqtan turǵyzamyn dep tek analar ǵana maqsat qoıady. Balanyń túnimen bebeý qaǵyp jylaǵany – qıyndyqtyń ber jaǵy ǵana. Táýligine birneshe ret es-tusynan aırylyp, talyp qalatyndar bar. Bul ata-anaǵa fızıkalyq turǵydan ǵana emes, sonymen qatar psıhologııalyq turǵydan da aýyr ekeni belgili», dedi depýtat.
T.Serikov sandyq derekti de usyndy. Aıtýynsha, elimizde 113 myńǵa jýyq múgedek bala bar bolsa, onyń 40 paıyzy aýyldarda turady.
«Iá, qalalyq jerlerde erekshe balalardy aparatyn arnaıy ortalyqtar bar. Onda erekshe balanyń anasy ýaqytsha demalý úshin áleýmettik qyzmetker múgedek balany bir mezgil ózderi alyp ketip, ortalyq mamandary sol balamen aınalysady. Onyń ishinde em domy, jattyǵýlary bar. Al aýyldyq jerlerdegi ata analardy ne isteımiz? Olardyń da otbasy, basqa da tirligi bar emes pe? Sol sebepti aýyldardaǵy FAP janynan osyndaı arnaıy ortalyqtar ashý kerek. Sonda aýyldaǵy múgedek balalardyń analary da ýaqytsha demalyp otbasyna qaraı alar edi», dedi ol.
Osy oraıda depýtat óz oılary men usynystaryn ortaǵa saldy.
«Analardyń tájirıbeleri bolǵandyqtan basqa balaǵa da durys qarap kútim jasaı alady. Sondyqtan pedagog-assıstent, áleýmettik qyzmetker sııaqty mamandyqtarǵa ata-ananyń bireýin qysqa 2 jyldyq merzimde bakalavrıatta oqytý qajet. Múgedek balaǵa óz ata-anasynan artyq qaraıtyn adam joq. Sol sebepti balanyń ata-anasyn oqytyp, arnaıy daıyndyqtan ótkizý qajet, sol arqyly ata-ananyń kútýshi retinde jumysy da bolady, eńbek ótili de joǵalmaıdy, durys kútim bolǵandyqtan balanyń damýy da arta túsedi. Damý erekshelikteri bar balaǵa jıi kútim jasaý ata-analarǵa ońaı emes. Qıyndyqqa shydamaı otbasyn tastaǵan ákeler de qanshama. Sondaı sátterde balasynyń bar aýyrtpashylyǵyn arqalaǵan analar fızıkalyq ǵana emes, psıhologııalyq turǵydan da qıyndyq kórip jatyr. О́mir boıy syrqattanǵan balasyn qaraǵan anaǵa zeınetke shyǵý jeńildigi de qarastyrylmaǵan. Múgedek balanyń jaǵdaıymen jumyssyz júrgen ananyń zeınetaqysy qandaı bolmaq? Sondyqtan erekshe balany tárbıelep otyrǵan ata-ananyń bireýiniń zeınetaqy qoryna memleket tarapynan turaqty túrde qarjy salyný qajet dep esepteımin», degen depýtat osyndaı analardy múmkindiginshe zeınet jasyna erte shyǵarý máselesin qarastyrý kerektigin de aıtty.
Túıindeı kele, «AÝYL» partııasynyń múshesi Tańsáýle Serikovtiń usynystary kelesideı boldy:
Erekshe balanyń ata-anasyn zeınetke erte shyǵarý; Ata-ananyń bireýin pedagog-assıstent, áleýmettik qyzmetker mamanydyǵyna qysqa merzimde oqytý; Erekshe bala ata-anasynyń bireýiniń zeınet qoryna memleket tarapynan turaqty túrde qarjy salý; Balaǵa kútim jasaǵan jyldaryn eńbek ótili dep esepteý.