Bul týraly Joǵarǵy Sottyń baspasóz qyzmetinen málim boldy, dep habarlaıdy Egemen.kz.
2024 jyly sot tóreligin júzege asyrýdyń qorytyndysy boıynsha sot korpýsynyń keńeıtilgen keńesine QR Prezıdentiniń quqyqtyq máseleler jónindegi kómekshisi Erjan Jıenbaev, Joǵary Sot Keńesiniń Tóraǵasy Dmıtrıı Malahov, Prezıdent Ákimshiliginiń Memlekettik-quqyqtyq bóliminiń meńgerýshisi Aıdar Jarylǵanov, Joǵarǵy Sot pen oblystyq jáne oǵan teńestirilgen sottar alqalarynyń tóraǵalary, Sot ákimshiliginiń basshylyǵy qatysty.
О́z sózinde Aslambek Merǵalıev Memleket basshysynyń elimizdiń sot júıesin ózgertý jóninde alǵa qoıǵan birinshi kezektegi tapsyrmasyn júzege asyrýǵa toqtaldy. 2025 jyldyń 1 shildesinen bastap jumys isteıtin kassasııalyq sottar azamattar úshin sot tóreliginiń qoljetimdiligin aıtarlyqtaı keńeıtip, ınvestısııa men bıznesti júrgizý úshin jaǵdaıdy jaqsartady.
Baıandamashy, sonymen qatar, kelesi jyldyń 1 naýryzynan bastap engiziletin ákimshilik ister boıynsha talap qoıýshynyń tańdaýy boıynsha eksaýmaqtyq sottylyqtyń mańyzdylyǵyn atap ótti. Jańashyldyq jumys kólemin ishinara teńestirip, jergilikti sottyń ádildigine qatysty kúmándi joıyp, sot tóreligine degen senimdi arttyrýǵa yqpal etedi.
Osy jyldyń jeltoqsan aıynda Joǵarǵy Sottyń bastamasymen engizilgen Mıkroqarjy jónindegi ombýdsmen ınstıtýty merzimi ótken bereshekterge qatysty daýlardy sheshýge tegin kómek kórsetedi.
Joǵarǵy Sot Tóraǵasy sottar qyzmetiniń nátıjeleri týraly aıta otyryp, qoǵamnyń joǵary sapaly sot tóreligine degen talaptarynyń artyp kele jatqanyn atap ótti. Bıyl ony jergilikti sottar qamtamasyz etip otyr. Isterdiń jalpy sanynyń 19%-ǵa artýy aıasynda kúshi joıylǵan jáne ózgertilgen sot aktileriniń sany 7%-ǵa azaıdy. Joǵarǵy Sot túzetken apellıasııalyq sheshimder sany da 17%-ǵa azaıdy.
Jalpy alǵanda, sottar 1,7 mıllıonnan astam sot aktisin shyǵardy, onyń 98,9 paıyzy zańdy jáne negizdelgen dep tanyldy.