25 jeltoqsan kúni shamamen saǵat 11:00-de Aqtaý qalasynyń aýmaǵyna Bakýdan Groznyıǵa ushyp bara jatqan ushaqtyń qulaǵanyna baılanysty aımaq basshysy Nurdáýlet Qılybaı oqıǵa ornyna baryp, oblys ákiminiń tóraǵalyǵymen jedel shtab quryldy. Apat ornynda TJD, DVD, jergilikti ákimdik qutqarý jumystaryna qajetti jaǵdaıdyń barlyǵyn jasap jatyr.
QR TJM-niń 52 qyzmetkeri men 11 tehnıkasy jumys istep jatyr. Oqıǵa ornyna kelgen qutqarýshylar áýe kemesiniń órtenip jatqanyn anyqtap, órtti sóndirý jumystaryn bastady.
Densaýlyq saqtaý basqarmasy basshysy Bekbolat Izbasarovtyń aıtýynsha, 29 adam aman qalǵan. Onyń 26-sy oblystyq aýrýhanaǵa jetkizildi, 2 bala balalar aýrýhanasyna jatqyzyldy.
Aıta keteıik, apatqa ushyraǵan bortta 62 adam jáne 5 ekıpaj bolǵan.
Mańǵystaý oblysy