Bul týraly respýblıkanyń Tótenshe jaǵdaılar mınıstrligi men Ázerbaıjan áýe joldarynyń birlesken málimdemesinde aıtylǵan, dep habarlaıdy Egemen.kz.
Ushaq apatynan zardap shekkenderdi tasymaldaý úshin arnaıy áýe reısi josparlanǵan.
«Zardap shekkender dárigerlerdiń qorytyndysyna sáıkes Bakýge jetkiziledi. Osyǵan baılanysty Ázerbaıjan men Qazaqstannyń quzyretti memlekettik organdary qajetti sharalardy qabyldap jatyr», delingen habarlamada. Esterińizge sala keteıik, 25 jeltoqsan kúni jergilikti ýaqyt boıynsha saǵat 11:30-da Bakýden Groznyıǵa ushqan Ázerbaıjan áýe joldarynyń ushaǵy Aqtaýdan úsh shaqyrym jerde apatqa ushyraǵan. Jolaýshylar ushaǵy qalyń tuman saldarynan Groznyıǵa qona almaı, áýeli Mahachkalaǵa, keıin Aqtaýǵa baǵyt alǵan edi.