Aqtaý mańyndaǵy ushaq apatynan qaza tapqan eki azamat «QazMunaıGaz» kompanııasynyń eńshiles kásiporyndarynda jumys istegeni belgili boldy, dep habarlaıdy Egemen.kz.
Bul týraly kompanııa resmı málimdeme jasap, marqumdardyń týǵan-týystaryna kóńil aıtty.
- «Azerbaijan Airlines» áýe kompanııasynyń apatqa ushyraǵan ushaǵynda qaza bolǵan jolaýshylardyń arasynda bizdiń áriptesterimiz de bar ekenin habarlaımyz. Baýyrjan Jumaǵulov - «О́zenmunaıservıs» JShS jumysshysy, 4-shi dárejeli burǵysh kómekshisi. Baýyrjan kompanııada 2018 jyldan beri eńbek etken, ózin adal jáne bilikti maman retinde kórsetip úlgergen. Ekinshi azamat - marqum Sándibek Tólesinov «MunaıFıldServıs» JShS mehanıkalyq-energetıkalyq bólimniń ınjeneri. Sándibek bul salada 16 jyl eńbek etken», dep habarlady kompanııa.
Aıta keteıik, jantúrshigerlik oqıǵa kezinde ushaq bortynda Qazaqstannyń alty azamaty bolǵan. О́kinishke qaraı, olardyń barlyǵy kóz jumǵan. Marqumdardyń arasynda notarıýs Gaýhar Shaımerdenova men onyń 11 jastaǵy uly Eldar, Qaraǵandyda tis dárigeri bolyp jumys istegen Salıma Djýtaeva bar edi.