Aqtaý turǵyny Almaz Bekjanov Ázerbaıjan áýe kompanııasynyń ushaǵy apatynan zardap shekkender úshin qan tapsyrý kezeginde tizilip turǵan qala turǵyndarynyń vıdeosyn jarııalady, dep habarlaıdy Egemen.kz.
«Búgin tańerteń (26 jeltoqsan) erte, jumysqa deıin qan tapsyrýǵa bardym. Biraq ortalyqqa kelgende, qazirdiń ózinde 40 adam turǵanyn kórdim jáne bul kezek únemi ósip otyrdy. Aqyrynda men keńsege tańǵy saǵat 10-da keldim», deıdi qala turǵyny Almaz Bekjanov.
Esterińizge sala keteıik, 25 jeltoqsan kúni jergilikti ýaqyt boıynsha saǵat 11:30-da Bakýden (Ázerbaıjan) Groznyıǵa (Reseı) ushqan Ázerbaıjan áýe joldarynyń ushaǵy Aqtaýdan úsh shaqyrym jerde apatqa ushyrady. Jolaýshylar ushaǵy qalyń tuman saldarynan Groznyıǵa qona almaı, áýeli Mahachkalaǵa, keıin Aqtaýǵa baǵyt alǵan edi.