Ázerbaıjannyń Tótenshe jaǵdaılar mınıstrligi Aqtaýdaǵy ushaq apatynan aman qalǵan stıýardessa Aıdan Ragımlıdiń vıdeosyn jarııalady, dep habarlaıdy Egemen.kz.
Ushaq apatynda 5 ekıpaj múshesi bolǵan. Olardyń úsheýi qaza taýyp, ekeýi aman qalǵan. Tiri qalǵan bortseriktiń biri Aıdan Ragımlı qazir aýrýhanada jatyr. Ázerbaıjandaǵy BAQ aýrýhanada jatqan bortseriktiń jaǵdaıyn bilýge barǵanda ol kóz jasyna erik berip, qatty jylaǵan. Aıdan Ragımlı 1999 jyly dúnıege kelgen.
Aıta ketsek, Bakýden Groznyıǵa bet alǵan «Ázerbaıjan áýe baǵyttary» kompanııasyna tıesili ushaq Aqtaý mańynda qulap tústi. Bortta 42 Ázerbaıjan, 6 Qazaqstan, 3 Qyrǵyzstan, 16 RF azamaty bolǵan. Barlyǵy 38 adam qaza tapty.
Búgin Ázerbaıjanda Aza tutý kúni bolyp jarııalandy.