Baıqońyr aýdany boıynsha áleýmettik qyzmet kórsetý ortalyǵynyń zeınetkerleri «Astana qalasynyń múgedek balalar qoǵamy» qoǵamdyq birlestiginiń tárbıelenýshilerine arnap shyrsha merekesin ótkizdi, dep jazady Egemen.kz.
Merekelik keshke qatysqan 15 bala Aıaz ata men Aqshaqarǵa án salyp, taqpaq aıtyp berdi. О́nerpaz zeınetkerler búldirshindermen birge án aıtyp, mýltfılmderiniń keıipkerlerine aınalyp, kórinis kórsetti.
Jaǵymdy atmosferany jańa jyldyq syılyqtar tolyqtyryp, barlyq balalarǵa táttiler men oıynshyqtar taratyldy.
Múmkindigi shekteýli balalardy shyrsha merekesimen quttyqtaýǵa kelgen «Belsendi uzaq ómir súrý ortalyǵynyń» basshylyǵyna, Baıqońyr aýdany ákimdigi men ardagerler keńesiniń ókilderine jańa jyldyq keshtiń qonaqtary rızashylyqtaryn bildirip, alǵystaryn aıtty.