Astanada 31 jeltoqsan kúni saǵat 00:00-de demeýshilik qarajat esebinen uıymdastyrylǵan merekelik jańa jyldyq otshashý bastalady, dep habarlaıdy Egemen.kz elorda ákimdigine silteme jasap.
Otshashýlar eki jerde ótedi: Botanıkalyq baq pen Atyraý kópirine irgeles aýmaqta. Ár jerde shamamen 2,5 myń márte atylady.
Sonymen qatar, 31 jeltoqsan men 1 qańtar aralyǵynda Jańa jyl qarsańynda qalanyń úsh ornynda merekelik sharalar ótedi.
31 jeltoqsanda saǵat 21:00-den 02:00-ge deıin elordanyń qalalyq alańynda, «Qazaq eli» monýmenti aýmaǵynda jáne EKSPO alańynda estrada juldyzdary men shyǵarmashylyq ujymdardyń qatysýymen qala turǵyndary men qonaqtary úshin jańa jyldyq merekelik konsertter ótedi.
Sondaı-aq, jańa jyldyq kúndizgi merekelik baǵdarlama Táýelsizdik dańǵyly, Ortalyq saıabaq, Atatúrik saıabaǵy, О́nerkásip kesheni men Kóktal saıabaǵyndaǵy Oqýshylar saraıynyń aýmaǵynda da ótedi.