Almaty oblysy ákiminiń ókimimen atalǵan laýazymǵa Toqpeıisov Ǵalym Qasymuly taǵaıyndaldy, dep habarlaıdy Egemen.kz.
Ǵalym Qasymuly 1967 jyly Almaty oblysyna qarasty Balqash aýdanynda dúnıege kelgen. 1999 jyly Qazaq memlekettik basqarý akademııasyn «býhgalterlik esep jáne aýdıt» mamandyǵy, M.H. Dýlatı atyndaǵy Taraz memlekettik ýnıversıtetin «quqyqtaný» mamandyǵy boıynsha aıaqtaǵan.
Eńbek jolyn «Jıdeli» ujymsharynyń jumysshysy bolyp bastaǵan.
Ár jyldary «Qaroı» ujymsharynyń esepshisi, «Aqdala» kúrish ujymshary brıgadıriniń kómekshisi, eńbek jónindegi ekonomısi, bólim bastyǵy, Balqash aýdany Aqdala aýylynyń ákimi, Jambyl oblystyq aýmaqtyq balyq sharýashylyǵy basqarmasynyń bastyǵy, Kóksý aýdany ákiminiń orynbasary, Almaty oblysy ákimi apparaty bóliminiń meńgerýshisi, Kóksý aýdanynyń ákimi, Almaty oblysy jer qatynastary basqarmasynyń basshysy, Balqash aýdanynyń ákimi, Almaty oblysy ákiminiń keńesshisi bolyp jumys istedi.
2024 jyldyń aqpan aıynan bastap Almaty oblysy jumyldyrý daıyndyǵy basqarmasynyń basshysy laýazymynda qyzmet etti.