Aqmola oblysyndaǵy tasjolda 40-qa jýyq kólik soqtyǵysty, dep habarlaıdy Egemen.kz.
Aqparatty oblystyq Polısııa departamentiniń baspasóz qyzmeti rastady.
«Saǵat 13:30-da Aqmola oblysynda Birjan sal aýdanynyń Qoǵam men Qaratal aýyly arasynda aýa raıynyń nasharlaýyna baılanysty (boran, kórý múmkindiginiń shektelýi) 40-qa jýyq kólik soqtyǵysty. Qaza tapqandar men zardap shekkender týraly ázirshe aqparat joq», dep habarlady vedomstvo.
Oqıǵa ornynda polısııa jumys istep jatyr.
«Júrgizýshilerdi aýa raıy jaǵdaıyn eskerip, jolda óte saq bolýǵa jáne jaǵdaı jaqsarmaıynsha bul baǵytta júrmeýge shaqyramyz», dep habarlady departament.
Astana-Shýchınsk tasjoly aýa raıyna baılanysty saǵat 12:00-den bastap jabyldy.