Bul týraly Premer-mınıstr Oljas Bektenov Úkimet otyrysynda aıtty, dep habarlaıdy Egemen.kz.
Úkimet otyrysynda Premer-mınıstr Oljas Bektenov Memleket basshysy alǵa qoıǵan mindetter aıasynda jaqyn arada bıýdjet-salyq jáne tarıf saıasaty reformalary boıynsha jańa tásilder usynylatynyn atap ótti.
«Prezıdent «Ana tili» gazetine bergen suhbatynda Úkimettiń mindeti ekonomıkanyń ósimin qamtamasyz etý jáne azamattardyń ál-aýqatyn jaqsartý ekenin atap ótti. Biz qarqyndy ekonomıkalyq ósimdi qamtamasyz etýimiz qajet. Osyǵan oraı, Premer-mınıstrdiń orynbasary Serik Maqashulynyń jetekshiligimen Úkimettiń ekonomıkalyq blogy sarapshylar tobymen birlesip, bıýdjet-salyq jáne tarıf saıasaty reformalary boıynsha jańa tásilder ázirlep jatyr. Onyń ishinde áleýmettik qamsyzdandyrý salasyna qatysty máseleler de bar. Atalǵan tásilder sarapshylar qaýymdastyǵymen jan-jaqty talqylaýdan keıin usynylady», dep atap ótti Oljas Bektenov.