Elimizde kólik qozǵaltqyshyn 5 mınýttan artyq qyzdyrǵan júrgizýshilerge aıyppul salynady. Senator Marat Qojaev mundaı aıyppul ne úshin salynatynyn túsindirdi, dep jazady Egemen.kz.
Depýtattyń sózinshe, bul talap ekologııalyq normaldardy saqtaýdy kózdeıdi.
«Bizde aýa qatty lastanǵan, bul jaǵdaı iri qalalarda erekshe baıqalyp otyr. Júrgizýshilerdi osy bap boıynsha jaýapqa tartý úshin naqty dálel - beınejazba kerek. Sondaı-aq naqty ýaqytyn da tirkeý qajet. Eger osyndaı dálelder bolsa kórsetilgen júrgizýshi ákimshilik jazaǵa tartylady. Mundaı normalar damyǵan elderde de bar», dedi Marat Qojaev.
Eger júrgizýshi atalǵan normany alǵash ret buzsa 5 AEK kóleminde aıyppul arqalaıdy, ekinshi ret qaıtalansa 10 AEK aıyppul tóleıdi.