Kalıfornııanyń ońtústigin sharpyǵan orman órti saldarynan kem degende 24 adam qaza taýyp, onnan astam adam iz-túzsiz joǵalyp ketken, dep habarlaıdy Egemen.kz ABC News arnasyna silteme jasap.
Los-Andjeles okrýginiń medısınalyq saraptama departamentiniń sońǵy málimetterine sáıkes, 16 adam Iton Kanonyndaǵy órtten, al 8 adam Palısades órtinen qaıtys boldy.
Qaza tapqandar sanynyń artýy kútiledi.
О́rt sóndirýshiler jalynnyń joıqyn zardaptaryn aýyzdyqtaý úshin kúresip jatyr. Los-Andjeles okrýginiń halqy tyǵyz ornalasqan aýdanyna myńdaǵan qutqarýshy jumyldyrylǵan. Palısadtardaǵy myńdaǵan ǵımarattardy qıratqan eń úlken órt nebári 11 paıyzǵa, al Iton kanonyndaǵy órt 27 paıyzǵa aýyzdyqtaldy.