Astana medısınalyq ýnıversıtetiniń ınterni Dinmuhamed Bekturǵan Qyzylorda-Astana baǵytyndaǵy ushaqta júregi aýyryp, qysylyp qalǵan jolaýshyǵa alǵashqy kómek kórsetip aman alyp qaldy, dep habarlaıdy Egemen.kz joǵary oqý ornynyń baspasóz qyzmetine silteme jasap.
Qyzylorda-Astana baǵytyndaǵy ushaqta aıaq astynan er adamnyń júregi qysylyp, tynys alýy toqtap qalady. Bortserikter borttan medısına qyzmetkerleriniń bar-joǵyn suraǵanda, jolaýshylar arasynan jas jigit shyǵyp, kómekke umtylady.
Ol dereý aýyryp jatyrǵan adamnyń júregine jasandy massaj jasaıdy. Dinmuhamed Bekturǵannyń batyl áreketiniń nátıjesinde jolaýshy ólimnen aman qalady.
Dinmuhamed Nurbolatuly Qyzylorda qalasynyń týmasy, Astana medısınalyq ýnıversıtetiniń 7 kýrs stýdenti.