Atalǵan qalada búgin Keńes Odaǵynyń Batyry, qazaqtyń qaharman qyzy Álııa Moldaǵulovanyń qaza tapqan kúnine arnalǵan eske alý sharasy ótti, dep habarlaıdy Egemen.kz.
Álııa Moldaǵulovanyń qaza tapqan kúni – el tarıhynda batyrlyqtyń, otansúıgishtiktiń, qaısar rýhtyń máńgilik belgisi retinde saqtalyp keledi.
Jastar, qoǵam qaıratkerleri, ardagerler, qala turǵyndary Almaty aýdanyndaǵy Shernııaz kóshesinde ornalasqan batyrdyń bıýstine gúl shoqtaryn qoıyp, erligin eske alyp, taǵzym etti.
Aqtóbe oblysy ákimdiginen málim bolǵandaı, jıynǵa qatysýshylar Álııa Moldaǵulovanyń erligi – búgingi jáne keler urpaqqa uly ónege ekenin atap ótti. Atalǵan shara el jastarynyń boıynda patrıotızm sezimin nyǵaıtý maqsatynda uıymdastyryldy.
Batyr qyzdyń esimi qazaq halqynyń jadynda máńgi saqtalatyny anyq.