Italııanyń Týrın qalasynda ótip jatqan qysqy ýnıversıadanyń búgingi jarys kúninde sportshylarymyz 2 medal jeńip aldy, dep jazady Egemen.kz.
Búgin jeńis tuǵyrynan kóringen parashańǵyshy Denıs Zınov 10 km erkin júriste «kúmis» enshilese, Roman Qurbanov qola júldege qol jetkizdi.
«Bul jetistik el parasportshylarynyń qajyrly eńbegin, sportshylarymyzdyń qaısarlyǵy men myqty rýhyn taǵy bir márte álemge pash etti. Eki sportshymyzdy da jeńisterimen quttyqtap, bolashaqtaǵy jarystarda odan da joǵary jetistikterge jetýine tilektespin! Barlyq sportshyǵa aldaǵy syndarda tabys, kúsh-qýat tileımin», dedi QR Ǵylym jáne joǵary bilim mınıstri Saıasat Nurbek. Aıta keteıik, keshe frıstaıl-mogýldan synǵa túsken Anastasııa Gorodko elimizge ýnıversıadadaǵy alǵashqy «altyndy» syılaǵan edi.