Mańǵystaý oblysynda salmaǵy 5,7 keliden asatyn ul bala dúnıege keldi, anasy ekeýiniń jaǵdaı jaqsy, dep habarlaıdy Egemen.kz.
Bul týraly oblystyq perınataldyq ortalyqtyń baspasóz qyzmeti habarlady.
Náreste otbasyndaǵy ekinshi bala, birinshi sábıin 2022 jyly 4 320 gramm salmaqpen bosanǵan. Anasynda gestasııalyq qant dıabeti bolǵan. Qazirgi tańda anasy men balasynyń jaǵdaılary qanaǵattanarlyq, turaqty. Dárigerlerdiń jiti baqylaýynda.
- Ata-analar alyp bala týylsa, "batyr bala dúnıege keldi" dep qýanyp jatady. Alaıda, kópshiligimiz sábıdiń aýyr salmaǵy ananyń da, balanyń da densaýlyǵyna úlken qaýip tóndiretinin bile bermeımiz. Shyndyǵynda, "alyp bala" qýanyshynyń artynda ne tur?! Eń aldymen, náresteniń úlken salmaǵy (makrosomııa) anasy úshin óte qaýipti. О́ıtkeni, tabıǵı bosaný kezinde qynaptyń, jynys músheleri etiniń, jumsaq tkanderiniń jyrtylýy oryn alyp, jatyr atonııasynan bosanǵannan keıingi qan ketý qaýpi týýy múmkin, - dep jazdy oblystyq perınataldyq ortalyq.
Bosaný barysynda qaterli asqynýdyń biri - jatyrdyń jyrtylýy (razryv matkı) oryn alýy múmkin. Sol sebepti, kóbinese áıeldi kesar tiligi otasy arqyly bosandyrýǵa týra keledi.
Úlken salmaqpen bosaný barysynda náreste ıyq súıeginiń zaqymdanýy (dıstosııa) jáne basqa da jaraqattar alýy múmkin. Jańa týǵan sábıde arnaıy emdeýdi qajet etetin gıpoglıkemııa (qandaǵy glıýkozanyń tómen deńgeıi), polısıtemııa (gematokrıt, gemoglobın kórsetkishiniń ósýi), demalý qıyndyǵy (perınataldy asfıksııa) týyndaýy múmkin. Úlken salmaqpen týǵan balalarda óse kele semizdikke shaldyǵý, kómirsý almasýdyń buzylýy, endokrındik aýrýlar paıda bolýy, qant dıabeti, júrek-tamyr júıesi aýrýlary, qan qysymynyń joǵarylaý qaýipi óte joǵary bolady.
Sol sebepti dárigerler áıelderge júktilikke aldyn-ala daıyndalýdy eskertti.
- Jan-jaqty tolyqtaı tekserýden ótip, aǵzadaǵy qant deńgeıin teksertip, ómir saltyn túzetip, salmaǵyńyzdy qadaǵalap, túrli aýrýlardyń aldyn alý áreketterin jasańyz!, - delingen habarlamada.