Prezıdent Qasym-Jomart Toqaev Qazaqstan halqyna Joldaýynda «taýarlyq nesıe» quralyn engizýdi qarastyrýdy tapsyrǵan bolatyn. Bul mehanızm agrarlyq salaǵa qoldaý kórsetýge baǵyttalǵan. Igi bastamanyń maqsaty – aýyl turǵyndarynyń ál-aýqatyn arttyryp, aýyl sharýashylyǵyn damytýǵa serpin berý, dep habarlaıdy Egemen.kz.
Osy bastamany júzege asyrý maqsatynda Qaraǵandy oblysynyń Buqar jyraý aýdanynda birqatar sharýa qojalyqtary taýarlyq nesıe berý isin qolǵa alǵan. Atap aıtqanda, «Shatan», «Úlken», «Bolat», «Jalǵas», «Arlan», «Taımas» sharýa qojalyqtary Belaǵash, Kerneı, Qaraqudyq, Tuzdy, Aqjar aýyldarynda ornalasqan 13 qosalqy sharýashylyqqa 42 bas iri qara mal túrinde taýarlyq nesıe usynǵan.
Bul joba aýyl sharýashylyǵynyń ónimdiligin arttyrýǵa, jergilikti sharýashylyqtardyń damýyna, sondaı-aq aýyl turǵyndarynyń áleýmettik-ekonomıkalyq jaǵdaıyn jaqsartýǵa baǵyttalǵan mańyzdy qadam.