«Nursultan Nazarbaev halyqaralyq áýejaıy» AQ aksııalarynyń 100 paıyzy Astana qalasynyń kommýnaldyq menshigine ótti, dep habarlaıdy Egemen.kz qala ákimdiginiń baspasóz qyzmetine silteme jasap.
«Terminals Astana Airport Management LLP arab kompanııasymen jasalǵan senimgerlik basqarý shartynyń merziminiń aıaqtalýyna baılanysty «Nursultan Nazarbaev halyqaralyq áýejaıy» AQ aksııalarynyń 100 paıyzy Astana qalasynyń kommýnaldyq menshigine ótti», delingen habarlamada.
Aıta keteıik, senimgerlik basqarý sharty 2023 jyldyń 7 qarashasynan kúshine enip, 2025 jyldyń 7 qańtarynda merzimi aıaqtaldy.
Áýejaı aksııalary ıesiniń ózgerýin eskere otyryp, qazirgi ýaqytta elorda ákimdigi men «Terminals Astana Airport Management» JShS arasynda senimgerlik basqarýdyń jańa shartyn jasasýǵa daıyndyq júrip jatyr.