Búgingi tańda elimiz 34 sheteldik joǵary oqý ornymen seriktestik kelisim jasaǵan, dep jazady Egemen.kz.
Sheteldik seriktestik joǵary oqý oryndarynda bilim alý úshin 2 090 grant bólindi
Elimizde Ulybrıtanııa, Italııa, Qytaı, Reseı, AQSh, Fransııa jáne Ońtústik Koreıanyń 23 seriktes joǵary oqý oryndary bar. Bıyl osy baǵytta 11 kelisimdi iske asyrý josparlanǵan.
«Búgingi tańda myńdaǵan stýdent 34 mamandyq boıynsha bilim alady. Onyń ishinde pedagogıkalyq, ınjenerlik-tehnıkalyq jáne jasandy ıntellekt sııaqty negizgi baǵyttar bar. Bul maqsattarǵa memlekettik bilim berý granttary (birlesken bilim berý baǵdarlamalary jáne qos dıplom baǵdarlamalary) jáne memlekettiń qoldaýymen olarǵa jaǵdaı jasaý arqyly ınvestorlardyń qarajaty bólinedi. Sheteldik seriktes JOO-lardy irikteý jekelegen salalardaǵy kadrlyq qajettilikke jáne óńirlerdiń suranystaryna negizdeledi», delingen Ǵylym jáne joǵary bilim mınıstrliginiń habarlamasynda.
Sheteldik jetekshi joǵary oqý oryndarymen yntymaqtastyq atom ónerkásibi, «jasyl» sýtekti ázirleý, Qazaqstanda balamasy joq sý qaýipsizdigin qamtamasyz etý sııaqty asa suranysqa ıe jáne tapshy mamandyqtar boıynsha mamandar daıarlaýǵa baǵyttalǵan.
Prezıdent tapsyrmasyn oryndaý sheńberinde Q.Jubanov atyndaǵy Aqtóbe óńirlik ýnıversıteti bazasynda munaı ınjenerııasy, elektr energetıkasy jáne kompıýterlik ınjenerııa baǵdarlamalary boıynsha brıtandyq Heriot Watt ýnıversıtetiniń fılıaly ashylǵan.
Hımııa jáne hımııalyq tehnologııalar salasynda kadrlar daıarlaý úshin M.Dýlatı atyndaǵy Taraz óńirlik ýnıversıteti bazasynda D.I.Mendeleev atyndaǵy Reseı hımııa-tehnologııalyq ýnıversıtetiniń, Pedagogıkalyq kadrlardy daıarlaý maqsatynda Ońtústik Qazaqstan pedagogıkalyq ýnıversıteti bazasynda Gazı ýnıversıtetiniń (Túrkııa) fılıaldary bilim berýde.
Beıjiń til jáne mádenıet ýnıversıtetiniń (QHR) fılıaly Astana halyqaralyq ýnıversıteti bazasynda, Kvıns ýnıversıtetiniń fılıaly (Irlandııa) Narhoz ýnıversıteti bazasynda jumys isteıdi.
2025 jylǵa deıingi joǵary bilim berýdi ınternasıonaldandyrý strategııasy sheńberinde sheteldik azamattarǵa, sonyń ishinde Qazaqstan Respýblıkasynyń azamattary bolyp tabylmaıtyn qazaq dıasporasynyń ókilderine arnalǵan stıpendııalyq baǵdarlama iske qosyldy.
«2024-2025 oqý jylynda sheteldik azamattarǵa arnalǵan stıpendııalyq baǵdarlama boıynsha Qazaqstannyń 37 JOO-da 550 bilim alýshy qabyldandy (bakalavrıat - 490, magıstratýra - 50, doktorantýra - 10). Stıpendııalyq baǵdarlama tegin bilim alýdy jáne aı saıynǵy stıpendııany qamtıdy», delingen mınıstrlik málimetinde.
12 727 el azamaty álemniń jetekshi joǵary oqý oryndarynda bilim aldy
«Bolashaq» halyqaralyq stıpendııasy 30 jyl boıy júzege asyrylyp keledi. Memleket basshysynyń tapsyrmasy boıynsha «Bolashaq» halyqaralyq stıpendııasy tehnıkalyq, ınjenerlik, medısınalyq jáne pedagogıkalyq baǵyttarǵa qaıta baǵyttaldy.
Osy jyldar ishinde stıpendııa 12 727 el azamatyna álemniń jetekshi joǵary oqý oryndarynda bilim alýǵa múmkindik berdi. Onyń ishinde 55% gýmanıtarlyq, 36% ınjenerlik-tehnıkalyq, 7% medısınalyq, 2% mádenıet jáne óner baǵyty boıynsha bilim alǵan.
Túlekter álemniń 30-dan astam elinde 400-den astam jetekshi sheteldik joǵary oqý oryndarynda oqyp, taǵylymdamadan ótken.
2024 jyly baǵdarlama túlekteri 213 myń medısınalyq ota jasap, 145 myń bilim alýshy men stýdentterdi oqytyp, myńnan astam ǵylymı eńbekterin jarııalady.
2024 jyly JOO kontıngentindegi sheteldik stýdentterdiń úlesi 15%-dy qurady, álemniń 23 elinen 97 ýnıversıtettermen 245 qos dıplom baǵdarlamasy iske asyryldy.
Sheteldik stýdentter sany 93 elden 31 400 adamdy qurady, bul 2023 jylǵy 82 elden 26 800 stýdentke qaraǵanda 4 600 adamǵa kóp.
Qazaqstannyń joǵary oqý oryndaryna oqytýshylyq qyzmetke 1600-den astam sheteldik sarapshy tartyldy.
2024 jylǵy bilim berý baǵdarlamalarynyń nátıjesinde QS World University Rankings 2024 álemniń úzdik ýnıversıtetteriniń halyqaralyq reıtıngine 21 qazaqstandyq JOO kirdi.
«Ýnıversıtet pánderin oqytýdyń mazmuny men ádisin aıtarlyqtaı jańartý qajet. Bolashaq muǵalimder, dárigerler, agronomdar, zańgerler jáne salalyq mamandar jasandy ıntellekt boıynsha bazalyq bilimdi mindetti túrde meńgerýi kerek», dep atap ótti Qasym-Jomart Toqaev.
Memleket basshysynyń tapsyrmasyn iske asyrý maqsatynda elimizdiń ǵylymı uıymdary men JOO-na halyqaralyq derekqorlarǵa tegin qoljetimdilik qamtamasyz etildi.
Google kompanııasymen birlesip elimizdiń 15 joǵary oqý ornynyń 5000 stýdentine arnalǵan jasandy ıntellekt boıynsha kýrstar iske qosyldy.
Coursera onlaın bilim berý platformasy jobasy aıasynda qazaqstandyq stýdentterge 40 myń lısenzııa bólinip, 93 joǵary oqý ornynan 153 myń sertıfıkat berilgen.
Koreıa men Qytaıdyń jetekshi joǵary oqý oryndarymen bilim berý jáne mamandardy birlesip daıarlaý boıynsha ýaǵdalastyqtarǵa qol jetkizilgen.