Aýa-raıynyń qolaısyzdyǵyna baılanysty polısııa kúsheıtilgen jumys rejımine kóshti. О́ńirdegi joldarda myńnan astam kólik kepteliste tur, dep habarlaıdy Egemen.kz.
Oblystyq polısııa departamentiniń baspasóz qyzmeti habarlaǵandaı, jol qozǵalysyna qatysýshylardyń qaýipsizdigin qamtamasyz etý maqsatynda patrýldik polısııa batalony men aýmaqtyq bólimshelerdiń jeke quramy joldardyń jaǵdaıyn únemi tekserip, qar qursaýynda qalǵan júrgizýshilerge kómek kórsetip jatyr.
Vedomstvoda habarlaǵandaı, 21 qańtar kúni saǵat 13:00-degi jaǵdaı boıynsha Qaraǵandy oblysynyń joldarynda 1000-nan astam kólik tirkelgen, onyń ishinde 527 jeńil, 500 júk kóligi jáne 9 qoǵamdyq kólik bar.
«Keshe respýblıkalyq mańyzy bar Qaraǵandy-Astana trassasy jabyldy. Temirtaý termınaly mańynda Qaraǵandy-Astana baǵytynda shamamen 300 kólik tur. Buǵan deıin bul jerde kólikter sany odan da kóp bolǵan, biraq keıbir júrgizýshiler joldyń jabyq bolýyna baılanysty keri qalaǵa oraldy. Tańerteń patrýldik polısııa batalonynyń qyzmetkerleri joldardy tekserip qar úıindilerin anyqtady», dep atap ótti Qaraǵandy oblysy Polısııa departamenti patrýldik polısııa batalonynyń komandıri Medet Nurmuhanov.
Polısııa aýa raıynyń qolaısyzdyǵyna baılanysty júrgizýshilerdi alys joldarǵa shyqpaýǵa shaqyrady, bul tótenshe jaǵdaılardyń aldyn alýǵa kómektesedi.