Qostanaı qalasynyń 53 turǵyny shetelge týr uıymdastyrǵan týrıstik kompanııaǵa jappaı shaǵym túsirdi, dep habarlaıdy Egemen.kz.
Anyqtalǵandaı, qostanaılyqtar týrǵa aqsha tólegenimen, ýáde etilgen qyzmetterdi almaǵan. Olar Mysyr, Túrkııa, Taıland, Vetnam jáne Qytaıǵa saıahattardy brondap, týrlardyń qunyn tolyq nemese ishinara tólegen.
«Qala turǵyndary týrdy jeke ózderi, keńsege baryp qolma-qol aqshamen jáne banktik aýdarym arqyly brondaǵan. Biraq keter kúni olar týrǵa tapsyrys berilmegenin bilgen. Aldyn ala boljam boıynsha, shyǵyn shamamen 40 mıllıon teńgeni qurady», delingen polısııa habarlamasynda.
Kompanııanyń málimdeýinshe, olar aqshany ıemdenip almaǵan. Tek týrlar óz quny boıynsha satylǵan, sonyń saldarynan másele týyndaǵan. Degenmen, polıseıler týrdy brondaýdy rastaıtyn qandaı da bir qujattardyń joqtyǵyn anyqtaǵan.
Qazir sotqa deıingi tergeý amaldary júrgizilip jatyr. Týrıstik kompanııanyń basshysy qamaýǵa alyndy.