Bul týraly Bas múftı Naýryzbaı qajy Taǵanuly 2025 jylǵa arnalǵan baǵdarlyq baıandamasy kezinde málim etti, dep jazady Egemen.kz.
Bıyl Qazaqstan musylmandary dinı basqarmasynyń qurylǵanyna 35 jyl tolady.
«Mereıtoıdyń mánin arttyrý maqsatynda qazaq dalasynan shyqqan áýlıe, ǵulama, batyr, alash qaıratkerleri men ahýn-ıshandardyń esimin meshitterge beremiz», dedi QMDB Tóraǵasy.
Osy jıynda basqarma «Ǵıbratty qıssalar» jınaǵyn shyǵarýdy josparlap otyrǵany málim boldy. Imamdar men jalpy oqyrmandarǵa arnalǵan jınaqta Qurannan, hadısterden, sahabalar men qazaqtyń tulǵalarynyń ómirinen derekter engiziledi.
Bıyl ımamdar arasynda respýblıkalyq «Úzdik ımam» bilim saıysy da uıymdastyrylmaq.